قسم الكتاب المقدس
تفسيرات و تأملات
+ حوار مع الله.. فى آيات من الكتاب المقدس +
فقرات من انجيل يوحنا البشير :-
* و في اليوم الثالث كان عرس في قانا الجليل و كانت ام يسوع هناك * و دعي ايضا يسوع و تلاميذه الى العرس* و لما فرغت الخمر قالت ام يسوع له ليس لهم خمر* قال لها يسوع ما لي و لك يا امراة لم تات ساعتي بعد * قالت امه للخدام مهما قال لكم فافعلوه * و كانت ستة اجران من حجارة موضوعة هناك حسب تطهير اليهود يسع كل واحد مطرين او ثلاثة * قال لهم يسوع املاوا الاجران ماء فملاوها الى فوق * ثم قال لهم استقوا الان و قدموا الى رئيس المتكا فقدموا * فلما ذاق رئيس المتكا الماء المتحول خمرا و لم يكن يعلم من اين هي لكن الخدام الذين كانوا قد استقوا الماء علموا دعا رئيس المتكا العريس * و قال له كل انسان انما يضع الخمر الجيدة اولا و متى سكروا فحينئذ الدون اما انت فقد ابقيت الخمر الجيدة الى الان * هذه بداية الاياتفعلها يسوع في قانا الجليل و اظهر مجده فامن به تلاميذه * يو2 :1- 11
+ الراهب المتوحد : ربى و حبيبى يسوع اسمح لى بأن أتجرأ و أسالك مش أنت بتقول هلم نتحاجج وأنت علمتنى
أنى اناديك يا أبانا ! أنا فى
حاجات مش فاهمها من الكتاب المقدس و أنا جاى علشان أجلس تحت قدميك ياأعظم
معلم لكى تعلمنى أنا لما قرأت فى انجيل يوحنا هذه الآيات ( و في اليوم
الثالث كان عرس في قانا الجليل و كانت ام يسوع هناك, و دعي ايضا يسوع و تلاميذه الى العرس , و لما فرغت الخمر قالت ام يسوع له ليس لهم خمر, قال لها يسوع ما لي و لك يا امراة لم تات ساعتي
بعد , قالت امه للخدام مهما قال لكم
فافعلوه , و كانت ستة اجران من حجارة
موضوعة هناك حسب تطهير اليهود يسع كل واحد مطرين او ثلاثة , قال لهم يسوع املأوا الاجران ماء فملأوها الى
فوق, ثم قال لهم استقوا الان و قدموا الى
رئيس المتكا فقدموا ) هو كدا الكلام صح أيه اللى أنت كاتبه ده يا رب ازاى تبقى العدرا قبلك هى صحيح قديسة و أقدس
القديسات بس المنطق و الصح عندى ... الآية
تبقى كده (وكان عرس فى اليوم الثالث و
كان يسوع هناك ودعيت أم يسوع والتلاميذ) ده
المنطق العدرا تسبقك بتاع ايه ؟
+ يسوع المسيح : ده المنطق البشرى بتاعك !
+ الراهب المتوحد : طيب فهمنى . انا خاضع ليك ؟
+ يسوع المسيح : عموما انا أحب اللى يسألنى . أنا هنا قصدى أفهمك
الشفاعة مهمة جدا و العرس مش هينفع من غير
العدرا لما تشفع فيك الاول .
+ الراهب المتوحد : طيب
خلاص ابتديت أفهم بس فهمنى ليه أكتر.. بعد كدا مكتوب ( و
لما فرغ الخمر قالت له أم يسوع ليس لهم خمر ) ؟
+ يسوع المسيح : الخمر فى الكتاب المقدس تشير الى ايه ؟
+ الراهب المتوحد : قلت له يا رب تشير الى الفرح .
+ يسوع المسيح : والفرح يشير الى نوعين اما فرح الانسان بالعالم و ده يبقى خمر
العالم أو فرح الانسان بالله و ده يبقى
خمر الله علشان كده الكتاب المقدس فيه نوعين من الخمر . خمر عتيق و خمر جديد , الخمر العتيق هو العهد
القديم . لكن الخمر الجديد هو العهد الجديد ( ألبسوا الجديد الفاخر ) الجديد هو
روحى .
+ يسوع المسيح : عارف يعنى ايه لما فرغ الخمر؟
معناها لما انت تبطل فرح بالعالم يكون للعدرا وش تقولى ليس لهم خمر ( معندوش فرح )
معناها لما انت تبطل فرح بالعالم يكون للعدرا وش تقولى ليس لهم خمر ( معندوش فرح )
+ يسوع المسيح : و مالى و لك يا امرأة لم تأتى ساعتى بعد ؟
+ الراهب المتوحد : يعنى
ايه يا رب ؟
+ يسوع المسيح : معناها الفرح بتاعى فرح أبدى لان مملكتى
ليست من هذا العالم انت هتفرح معايا فى الابدية .
+ يسوع المسيح : و العدرا طلبت منى , أنى أفرحك و أعزيك, وقالت معندوش أى فرح صبره تصبيرة ( فرغت الخمر ) .. و قالت مش الروح القدس المعزى ؟ ايوه أنا معاك ان ده مش وقتك ( لم تأتى ساعتى
بعد ) , طيب يرضيك انه يفضل كده حزين مش انت بتقول كان عرس فى اليوم
الثالث و اليوم الثالث يعنى قيامة , يعنى
عرس .. يعنى فرح أبدى ...
+ الراهب المتوحد : طيب نكمل يارب .. و كانت ستة
أجران من حجارة موضوعة لأجل تطهيراليهود يسع كل واحد مطرين أو ثلاثة .. يعنى ايه 6 أجران و ليه من حجارة , وليه واحد يسع مطرين و الآخر ثلاثة .. أنا مش فاهم ؟
+ يسوع المسيح : قال لى الستة رمز لآدم فى اليوم السادس لما كان موجود فى حالة الانسان
النقى , الطاهر , العاقل قبل السقوط و (
من حجارة ) لان آدم مخلوق من طين الارض ( الله قادر أن يصنع من هذه الحجارة أولاد
لابراهيم ) .
+ الراهب المتوحد : طيب ليه مرة أثنين و مرة اخرى ثلاثة ؟ طيب ماتقول
اما أثنين أو ثلاثة ؟
+ يسوع المسيح : هل الكتاب المقدس أو روح الله مش مدرك السعة أثنين أم ثلاثة .. لكن هى
مكتوبة علشان تبين ان أثنين تعنى انسان جسدانى ( الجسد والذات ) .. أما ثلاثة
تعنى انسان روحانى ( الجسد و الذات و روح الله )
يعنى اما انسان روحانى فيه روح الله أو انسان
جسدانى لا روح له ,
+ يسوع المسيح : العدرا قالت لكم ( مهما قال لكم فأفعلوه
) يعنى هى كدا عملت الدور بتاعها و تشفعتلكم (
ناقص حاجة و احدة أن كل و صية يقول
لكم عليها تسمعوها كده يبقى أكتمل الشرطين
و تاخدوا الفرح ) يعنى انت تعمل بالوصية و العدرا تتشفع علشان يبقالك الفرح .
+ الراهب المتوحد : طيب ممكن نكمل يا رب أنا متشاق اعرف كل حاجة منك .. ملأوا الاجران مية .. ليه ؟
+ يسوع المسيح : لان فيه نوعين من المعمودية و
احدة ( بالماء ) للغسيل و للتنقية و
التطهير فلما تتملى الاجران مية يعنى
تتغسل يعنى تتطهر. والثانية ( معمودية
بالروح و النار) يعنى بعدها أنا أعطى
الروح القدس ( النار ) اللى هيحول الماء الى خمر( أحمر و هو رمز للروح القدس ) أى
حياتك تتحول الى فرح أبدى يعنى لازم تتنقى
و تتطهر بالتوبة علشان يسكن فيك الروح
القدس .
+ الراهب المتوحد : طيب مين رئيس المتكأ و مين العريس
؟
+ يسوع المسيح : أنا العريس ! أنا الختن ( دعى
يسوع ) يعنى نفسك ( العروس ) هتطلب ايدى (أنا العريس ) !
+ الراهب المتوحد : طيب و مين هو رئيس المتكأ ؟
+ الله : رئيس المتكأ هو ( العروسة ) و انت
كرئيس متكأ ( كعروس ) تتسائل لماذا اخرت أنا
خمرى ( فرحى ) للآخر لأن هو ده
نظامى يعنى فرحى فى الأبدية .
+ الراهب المتوحد : طيب ليه عرس قانا الجليل ؟
+ الله : قانا يعنى ( الغيرة ) مثل سمعان
القانوى ( سمعان الغيور ) يعنى مفيش عريس لا يغير على عروسته و أنا قيل عنى ( ألهكم اله غيور ) فأنا بغير على عروستى أى (
نفسك ) طول ما انت بتبص لحد غيرى و ليك فرح بحد غيرى عمرى ما هكون عريس لنفسك .
+ الراهب المتوحد : ياه يارب !!!! يا عريس نفسى
الغالى كم انت حلو!! كم انت محب و غيور !! كم انت حنين !! ساعدنى اتخذك عريس نفسى
للأبد علشان أعيش فى فرح أبدى معاك .